Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 66 jyl buryn salynǵan damba jóndeldi

2021 jyldyń 26 qazan 2021 00:52

ÓSKEMEN. QazAqparat – Shyǵys Qazaqstan oblysy Kúrshim aýdanynda 1955 jyly salynǵan damba jóndeýden ótti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Kúrshim aýdany Qaljyr aýylyn sý basý qaýpinen qorǵaý úshin 1955 jyly uzyndyǵy 4025 metrlik damba salynǵan.

Sol ýaqyttan beri qazirge deıin jóndelmegen bógettiń 2950 metri buzyla bastady. Alaıda komıssııa júrgizgen tekserý nátıjeleri boıynsha bul buzylǵan jerler qorshaýdyń kenetten qulaýyna ákelip soqpaıdy.

«2013 jyly damba «Shyǵys sý qoımalary» KMK-nyń balansyna berilgen. Kásiporyn bıyl jóndeý-qalpyna keltirý jumystaryn júrgizdi. Barlyq ýchaskede topyraq sebilip, qorshaý qum-qıyrshyq tas qospasymen nyǵyzdaldy», - dedi oblystyq TJD tótenshe jaǵdaılardyń aldyn alý basqarmasynyń bastyǵy Alekseı Shtykel.


Joǵary qaraı