Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da Alakóldiń nelikten karantınge jabylǵany túsindirildi

2020 jyldyń 23 shilde 2020 18:11

ÓSKEMEN. QazAqparat – Shyǵys Qazaqstan turǵyndary men oblys qonaqtarynan Alakól kóline barmaýdy suraıdy, dep habarlaıdy QazAqparat tilshisi ShQO Taýarlar men kórsetiletin qyzmetterdiń sapasy men qaýipsizdigin baqylaý departamentine silteme jasap.

Mekemedegilerdiń aıtýynsha, oblys pen Úrjar aýdanynda koronavırýs juqtyrǵandar sanynyń artýyna baılanysty aýdannyń memlekettik Bas sanıtarııa dárigeri karantın tártibin kúsheıtip, Alakól jaǵasyna shekteý sharalaryn jarııalaýǵa májbúr bolǵan.

Qazirgi ýaqytta Shyǵys Qazaqstan oblysy men Úrjar aýdanyndaǵy COVID-19 koronavırýs ınfektsııasy jaǵdaıy kúrdeli, aýrýdyń eń joǵary kórsetkishi áli tirkelgen joq.

«Osyǵan baılanysty, turǵyndar, demalýshylar men qyzmetshilerdiń jappaı koronavırýsqa shaldyǵýynyń aldyn alý úshin Úrjar aýdanynyń memlekettik bas sanıtarııa dárigeri 2020 jyldyń 22 shildesinde «Úrjar aýdanynyń turǵyndary arasynda koronavırýs ınfektsııasynyń aldyn alý sharalary týraly» №7 qaýlyny qabyldady», -dep túsindirdi baspasóz qyzmetindegiler.

Eske sala ketsek, 2020 jyldyń 23 shildesinen Úrjar aýdanyndaǵy Alakól kóliniń týrıstik aımaǵynda turýǵa jáne demalýǵa tyıym salyndy. Jol jabylyp, Alakólge aparatyn tasjoldarda mobıldi post qoıyldy. Ol jerdi polıtsııa qyzmetkerleri kún saıyn baqylaýǵa alǵan.

Avtory Oral Erlanuly

Joǵary qaraı