Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da anasymen janjaldasqan 45 jastaǵy er adam asylyp qalmaq boldy

2021 jyldyń 30 shilde 2021 13:47

ÓSKEMEN. QazAqparat – Shyǵys Qazaqstan oblysy Altaı aýdanynda anasymen janjaldasqan 45 jastaǵy er adam asylyp qalmaq boldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 27 shilde kúni Jańa Buqtyrma kentiniń 66 jastaǵy turǵyny polıtsııaǵa habarlasyp, ulynyń joǵalyp ketkenin jetkizdi.

«Anyqtalǵandaı, aryzdanýshy óz otbasymen Buqtyrma sý qoımasyndaǵy demalys bazalarynyń birine kelgen. Demalys kezinde anasy men ulynyń arasynda kıkiljiń týyndap, 45 jastaǵy er adam kóligimen belgisiz jaqqa ketip qalǵan. Biraz ýaqyttan keıin ol sheshesine WhatsApp messendjeri arqyly óz ózine qol jumsaıtyndyǵy jaıly habarlama jiberdi», - delingen aqparatta.

Jedel-izdestirý sharalary barysynda polıtsııa qyzmetkerleri «Kók shyǵanaq» demalys ornynyń mańyndaǵy taýda asylyp qalmaq bolǵan er adamdy taýyp aldy. Sondaı-aq onyń alkogoldi ishimdik ishkeni belgili boldy.

Tártip saqshylary azamatty polıtsııa bólimine jetkizip, túsindirý jumystaryn júrgizgen. Qazirgi ýaqytta Altaı aýdanynyń turǵyny týystaryna tapsyryldy.


Joǵary qaraı