Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da aýyl halqyn ortalyqtandyrylǵan sýmen qamtý kórsetkishi 90%-dan asty

2022 jyldyń 21 qańtar 2022 01:12

ÓSKEMEN. QazAqparat – Shyǵys Qazaqstan oblysynda halyqty ortalyqtandyrylǵan sýmen qamtý úshin 63 joba júzege asyryldy, dep habarlaıdy QazAqparat tilshisi.

ShQO ákimdiginiń málimetine súıensek, Memleket basshysy Qasym-Jomart Toqaevtyń 2025 jylǵa qaraı halyqty ortalyqtandyrylǵan sýmen qamtamasyz etý tapsyrmasyn oryndaý aıasynda óńirde ótken jyly jalpy quny 55,2 mlrd teńge bolatyn 63 joba iske asyrylǵan.

«Sýmen jabdyqtaý jáne sý burý júıeleriniń 40 nysany paıdalanýǵa berildi. Onyń ishinde 36 nysan aýyldy jerlerde ornalasqan. Sondaı-aq turǵyndar sany az 52 eldi mekende 460 mln teńgege blokty-modýldi stantsııalar qurylysy júrgizildi. Nátıjesinde, aýyl halqyn ortalyqtandyrylǵan sýmen qamtamasyz etý kórsetkishi jyl sońyna deıin 83,2-den 91,8 paıyzǵa ósti», - delingen aqparatta.

Búgingi tańda jalpy oblys boıynsha halyqtyń aýyzsýmen qamtamasyz etilý kórsetkishi – 96,4 paıyzdy qurap otyr.


Joǵary qaraı