Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da aýyl sharýashylyǵy ónimderiniń eksporty 4 esege artpaq

2021 jyldyń 16 qyrkúıek 2021 18:11

ÓSKEMEN. QazAqparat - Shyǵys Qazaqstan oblysynda aýyl sharýashylyǵy ónimderiniń eksporty 4 esege artady, dep habarlaıdy QazAqparat tilshisi.

Óńirde úsh iri maı ekstraktsııalaý zaýyty boı kótermek. Sonyń nátıjesinde, 1 mıllıon tonnaǵa deıin maıly daqyldar óńdeletin bolady. Bul jaıly ShQO ákimi Danıal Ahmetov málimdedi.

- Oblysta aýyl sharýashylyǵy salasyna erekshe nazar aýdarylǵan. Negizgi mindetterdiń biri – jemshóp daqyldarynyń egis alqaptaryn ulǵaıtý. Investıtsııalyq jobalardyń arqasynda 2025 jylǵa qaraı osy maqsattaǵy egis alqaby 28 myń gektarǵa ulǵaıtylady, - dedi ol.

Aımaq basshysynyń aıtýynsha, eń aldymen eksportqa arnalǵan ónim kólemin arttyrý kózdelip otyr. Jospar boıynsha aldaǵy jyldary aýyl sharýashylyǵy ónimderiniń eksporty 4 esege ósedi.

- Sondyqtan ónimdilikti, jaıylym alqaptaryn kóbeıtýdi, aýyl sharýashylyǵy tehnıkasy parkin jańartý jáne óndiristerdi jańǵyrtý boıynsha jumysty jalǵastyramyz. Sondaı-aq veterınarııa salasyn damytýdyń da keshendi josparyn ázirleý qajet, - dedi Danıal Ahmetov.


Joǵary qaraı