Aýa raıy
Astana 20 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

ShQO-da aýyl turǵyny kórshisin órtten qutqaryp qaldy

2019 jyldyń 19 tamyz 2019 11:46

ÓSKEMEN. QazAqparat - Shyǵys Qazaqstan oblysynyń Ulan aýdanyna qarasty Proletarka aýylynda órt ishinde qalyp qoıǵan áıeldi qutqaryp aldy. Bul týraly QazAqparat ShQO tótenshe jaǵdaılar departamentiniń baspasóz qyzmetine silteme jasap habarlaıdy.




«Oqıǵa jeksenbi kúni Proletarka aýylynda bolǵan. 44 jastaǵy áıel túski as daıyndap, bolǵan soń 4 jasar balasymen birge uıqyǵa bas qoıady. Qoıý tútin áserinen áýeli búldirshinniń uıqysy ashylyp, anasyn oıatqan. Áıel es jıǵanda aınalasynyń bárin qyzyl jalyn torlap, syrtqa shyǵý múmkin bolmaı qalǵan bolatyn. Asúıden bastalǵan órt aýyzǵy úıge ulasqan edi. Amaly taýsylǵan áıel terezeni shaǵady. Terezeden engen ottegi órtti odan ári údetip, órt qarqyny kúsheıe túsedi. Shýdy estigen kórshileri dereý órt sóndirý qyzmetine habarlasyp, ózderi kómekke umtylady. Áıel synǵan terezeden qyzyn shyǵaryp úlgeredi. Al ózi qoıý tútinge tunshyǵyp, esten tanady. Osy kezde Alekseı Shramov tereze arqyly úıge enip, es-tússiz jatqan kórshisin terezeden kóterip shyǵarǵan. Ýly gazben ýlanǵan áıel aýdandyq aýrýhananyń toksılogııalyq bólimshesine jetkizildi. Dárigerlerdiń aıtýynsha, jaǵdaıy aýyr», - delingen departamenttiń baspasóz málimetinde.




Tavrııa aýylyndaǵy órt sóndirý qyzmetiniń №38 bólimshesi 20 shaqyrymdy eńserip jetkenshe, úı tolyǵymen otqa oranǵan. Órt 135 sharshy metr aýmaqty sharpyǵan. Sebebin anyqtap jatyrmyz. Balanyń aıtýynsha, anasy túski as daıyndap, kóp uzamaı uıyqtap qalǵan», - deıdi Ulan aýdany tótenshe jaǵdaılar bóliminiń ınjeneri Erasyl Kádirbekov.




Qazir qyz ákesimen birge kórshileriniń úıin ýaqytsha panalap otyr.







Joǵary qaraı