Aýa raıy
Astana -23 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da aýyl jastarynyń máselelerin sheshý úshin mobıldi top jumys isteýde

2020 jyldyń 23 qazan 2020 19:43

ÓSKEMEN. QazAqparat – Shyǵys Qazaqstan oblysynda arnaıy qurylǵan mobıldi top músheleri aýyl jastarymen kezdesý ótkizdi, dep habarlaıdy QazAqparat tilshisi.

Mobıldi top músheleri oblystyń 12 shalǵaı aýyldyq okrýginde 277 adamdy qamtyǵan kezdesýler uıymdastyrdy. Shara barysynda psıholog, gınekolog, ýrolog jáne teolog sııaqty bilikti mamandardyń kómegine 208 adam júgindi.

«Mobıldi toptyń quramyna ishki saıasat, jumyspen qamtýdy úılestirý jáne áleýmettik baǵdarlamalar, din isteri, dene shynyqtyrý jáne sport, densaýlyq saqtaý basqarmalarynyń, «Jas Otan» JQ, «Damý» qory, «Atameken» UKP, «Turǵyn úı qurylys jınaq banki» ShQOF mamandary, teologtar men psıhologtar tartylǵan. Mundaǵy basty mindet – jastarǵa arnalǵan memlekettik baǵdarlamalar men jobalar týraly aqparattandyrý jáne keńes berý, aýyldy jerlerdegi jastardy tolǵandyrǵan máselelerdi talqylaý», - delingen ShQO Aqparat ortalyǵy taratqan málimette.

Sonymen qatar jastardyń boıynda kóshbasshylyq qabiletterdi damytý boıynsha «Daryn» memlekettik jastar syılyǵy laýreattarynyń qatysýymen Qazaqstan tarıhy jáne uly Abaı shyǵarmashylyǵyna qatysty zııatkerlik oıyndar, semınarlar men sheberlik-synyptary ótkizildi.

Aıta keteıik, oblys aýmaǵynda karantındik shekteý sharalarynyń kúsheıýine baılanysty aldaǵy ýaqytta Abaı, Aıagóz jáne Úrjar aýdandaryndaǵy osyndaı kezdesýler onlaın formatta ótkizilmek.





Joǵary qaraı