Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da aýyzsýmen qamtý boıynsha 110 joba iske asyrylýda

2021 jyldyń 12 tamyz 2021 14:34

ÓSKEMEN. QazAqparat – ShQO Energetıka jáne turǵyn úı-kommýnaldyq sharýashylyǵy basqarmasynyń basshysy Almat Aqyshov sý qubyrlarynyń qurylysy men áleýmettik mańyzy bar nysandardyń jylytý maýsymyna daıyndyǵy jaıly aıtty, dep habarlaıdy QazAqparat tilshisi.

Oblys ákimdiginde turǵyn úı-kommýnaldyq sharýashylyǵy nysandarynyń jańartylýy men jylytý maýsymyna daıyndyq máseleleri jóninde keńes ótti.

ShQO Energetıka jáne turǵyn úı-kommýnaldyq sharýashylyǵy basqarmasynyń basshysy Almat Aqyshov oblys ákimi Danıal Ahmetovke halyqty taza aýyzsýmen qamtý jumystary jóninde esep berdi.

«Bıyl sýmen jabdyqtaý júıesine qatysty 110 joba iske asyrylýda. Osy jyldyń sońyna deıin 98 nysandy paıdalanýǵa berý josparlanǵan. Sonyń nátıjesinde, 50 myń turǵyn taza aýyzsýmen qamtamasyz etiledi», - dedi ol.

Aımaq basshysy keńes sońynda Almat Aqyshovke elektr, sý jáne jylýmen qamtý júıeleriniń qurylysy men daıyndyǵyn baqylaýda ustaýdy tapsyrdy.

«Jýyqta Semeı qalasynyń irgesinde jáne Altaı Besqaraǵaı, Kókpekti, Katonqaraǵaı aýdandarynda salynyp jatqan sýmen jabdyqtaý nysandarynyń qurylysyn tekserdim. Jumystar kestege sáıkes júrip jatyr. Sondaı-aq ár aýdannyń jylytý maýsymyna jaýapty shtab ókilderimen jıyn ótkizýdemiz», - dedi ShQO Energetıka jáne turǵyn úı-kommýnaldyq sharýashylyǵy basqarmasynyń basshysy.


Joǵary qaraı