Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da aıyppul tólemegen 46 júrgizýshiniń kóligi arnaıy turaqqa qoıyldy

2022 jyldyń 8 sáýir 2022 04:24

ÓSKEMEN. QazAqparat – Shyǵys Qazaqstan oblysynda bir kúnde aıyppulyn tólemegen 46 júrgizýshiniń kóligi arnaıy turaqqa qoıyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary 6 sáýirden bastap óńir aýmaǵynda «Boryshker» jedel aldyn alý sharasyn júrgizýde.

Bir kún ishinde polıtsııa qyzmetkerleri memleket bıýdjetine 6 mln teńgeden astam qarajat óndirdi.

Sondaı-aq tólenbegen aıyppuldary bar 46 júrgizýshiniń kóligi mamandandyrylǵan turaqqa qoıylǵan.

Máselen, polıtseıler Óskemen qalasynyń 30 jastaǵy turǵyny tizgindegen «Toyota» markaly kólikti toqtatty.

Tekserý kezinde er adamnyń 14 ret jol erejesin buzyp, aıyppul tólemegeni anyqtaldy.

«Barlyq buzýshylyqtar QR ÁQBtK-niń 592-baby (qozǵalys jyldamdyǵyn ruqsat etilgen shekten asyrý) boıynsha jasalǵan. Osyǵan baılanysty boryshkerdiń kóligi aıyppuldardy tolyq ótegenge deıin arnaıy turaqqa jetkizildi», - dedi oblystyq PD bastyǵynyń birinshi orynbasary Eldos Zakımov.


Joǵary qaraı