Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da balalar qandaı aýrýlarǵa jıi shaldyǵady

2021 jyldyń 27 qarasha 2021 06:21

ÓSKEMEN. QazAqparat – Shyǵys Qazaqstan oblysynda balalardyń qandaı aýrýlarǵa jıi shaldyǵatyny belgili boldy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde bıylǵy 10 aıy ishinde 178 297 bala profılaktıkalyq maqsatta medıtsınalyq tekserýden ótken.

Sonyń nátıjesinde, bıyl mektep jasyna deıingi balalar arasynda qan aýrýynyń jıi kezdesetindigi anyqtaldy. Al ekinshi orynda – tynys alý júıesiniń aýrýlary. Úshinshi orynda – endokrındik aýrýlar, aǵzadaǵy zat almasýdyń buzylýy jáne semizdik bar.

«Mektep oqýshylary arasynda birinshi orynda – kóz aýrýy, ekinshi orynda – as qorytý júıesi, al úshinshi orynda – júıke júıesiniń aýrýlary tur. Byltyr osyndaı tekserýmen 137 737 bala qamtylǵan. Sol kezde mektep jasyna deıingi balalar arasynda jıi kezdesetin aýrýlar dál osyndaı edi. Al mektep oqýshylary ishinde birinshi orynda – qan aýrýlary bolǵan», - delingen aqparatta.


Joǵary qaraı