Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da bir kúnde 4 órt sóndirildi

2022 jyldyń 11 qańtar 2022 23:01

ÓSKEMEN. QazAqparat – Shyǵys Qazaqstan oblysynda bir kúnde 4 monsha órtengen, dep habarlaıdy QazAqparat tilshisi.

ShQO Tótenshe jaǵdaılar baspasóz qyzmetiniń málimetine súıensek, birinshi órt Óskemen qalasyndaǵy «Tıtan» saıajaı qoǵamdastyǵynyń aýmaǵynda bolǵan.

«Saıajaı úıiniń aýlasyndaǵy monshanyń ishki qaptasy, tóbe jabyny, shatyrdyń aǵash qurylymdary jandy. Oqıǵa ornyna órt sóndirýshiler shuǵyl kelip jetti. Kóp uzamaı jalpy aýdany 16 sharshy metrdi quraǵan ot tolyqtaı aýyzdyqtaldy. Tilsiz jaýdyń shyǵý sebebi - peshti ornatý jáne paıdalaný kezinde órt qaýipsizdigi talaptaryn saqtamaý», - delingen aqparatta.

Dál osyndaı sebepten Glýbokoe aýdany Verh-Berezovka aýylynda órt shyqqan. Jeke turǵyn úı aýlasyndaǵy monshany jalyn sharpydy. Órt sóndirýshiler jalpy aýdany 15 sharshy metrge jetken órtti óshirdi.

Sondaı-aq monsha órti Semeı qalasynda jáne Altaı aýdanyndaǵy Podorlenok aýylynda bolǵan.



Joǵary qaraı