Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bir kúnde 5 órt oqıǵasy boldy

2021 jyldyń 24 aqpan 2021 13:19

ÓSKEMEN. QazAqparat – Shyǵys Qazaqstan oblysynda bir kún ishinde 5 órt oqıǵasy boldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, keshe saǵat 15.06-da Óskemendegi Tselınnaıa kóshesinde ornalasqan jer úıde ot shyqqan. Shatyrdy, esikti, jıhaz ben jeke zattardy sharpyǵan tilsiz jaýdyń jalpy aýmaǵy – 40 sharshy metr. Oqıǵa ornyna kelip jetken órt sóndirýshiler jalyndy tolyqtaı aýyzdyqtady. Aldyn ala málimet boıynsha órttiń shyǵýyna – peshti ornatý jáne paıdalaný kezinde órt qaýipsizdigi talaptarynyń saqtalmaýy sebep bolýy múmkin.

«Dál osyndaı oqıǵa Semeıde Kombınatskaıa kóshesindegi jeke turǵyn úıde boldy. Qabyrǵanyń aǵash qurylymdary men sharýashylyq qora-jaılardy sharpyǵan órttiń aýmaǵy 40 sharshy metrge jetken», - dep habarlady vedomstvo ókilderi.

Sondaı-aq sol kúni Borodýlıha aýdanyndaǵy jer úıde órt shyqty. Qutqarýshylar kelip jetkende jalpy aýmaǵy 28 sharshy metrdi quraǵan tilsiz jaý shatyrdyń aǵash qurylymdaryn, jıhazdar men jeke zattarǵa taraǵan.

«Semeıde turaqtaǵy «XCMG ZL 50» markaly júk tıegish kóligi órtendi. Ot qozǵaltqyshty, artqy eki dóńgelekti sharpyǵan. Jalpy aýmaǵy – 10 sharshy metr. Órttiń shyǵý sebebi – qaýiptiligi joǵary agregatpen abaısyz jumys atqarýdan bolýy yqtımal», - delingen málimette.

Budan bólek, Glýbokoe aýdany Opytnoe pole kentindegi sharýa qojalyqtarynyń birinde órt boldy. Ferma shatyrynyń aǵash qurylymdary janǵan. Oqıǵa ornyna 25 órt sóndirýshi men 6 tehnıka kelip, 80 sharshy metrge jaıylǵan tilsiz jaýdy aýyzdyqtady.


Joǵary qaraı