Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bir kúnde 5 órt sóndirildi

2021 jyldyń 29 shilde 2021 11:58

ÓSKEMEN. QazAqparat – Shyǵys Qazaqstan oblysynda órt sóndirýshiler bir kún ishinde 5 ret qyzyl jalyndy sóndirdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetinshe, 28 shilde kúni saǵat 11.39-da Ulan aýdany Jeldiózek kentinde monsha men garajdyń shatyry órtengen. Oqıǵa ornyna shuǵyl jetken qutqarýshylar 96 sharshy metr aýmaqty jaılaǵan jalyndy sóndirdi.

«Saǵat 19.38-de Óskemendegi Týrgenev kóshesinde jeke turǵyn úı men monshada órt shyqqan. Jalyn sharpyǵan aýmaq 6 sharshy metrdi qurady. Belgili bolǵandaı, ottyń shyǵýyna peshti paıdalaný kezinde órt qaýipsizdigi talaptarynyń saqtalmaýy sebep bolǵan», - delingen habarlamada.




Semeıdegi Grajdanskaıa kóshesinde jalyn sharpyǵan jer úıge qutqarýshylar kelip jetkenshe 2007 jylǵy bozbala óz betimen syrtqa shyǵyp úlgergen. Jalpy aýdany 30 sharshy metrdi sharpyǵan tilsiz jaý kóp uzamaı aýyzdyqtaldy.

«Óskemendegi «Pıevık-1» saıajaı qoǵamdastyǵynda ornalasqan jeke turǵyn úıde jıhaz órtendi. Jalyn sharpyǵan aýmaq - 24 sharshy metr. Shemonaıha qalasy Panfılov kóshesindegi órtengen úıden 1989 jyly týǵan er adamnyń máıiti tabyldy. Órtti sóndirýge 11 adam men 3 tehnıka jumyldyrylǵan», - delingen málimette.





Joǵary qaraı