Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da bir jylda bilim berý nysandarynyń qurylysyna 13,1 mlrd teńge jumsaldy

2022 jyldyń 12 mamyr 2022 23:42

ÓSKEMEN. QazAqparat – Shyǵys Qazaqstan oblysynda byltyr bilim berý nysandarynyń qurylysyna 13,1 mlrd teńge bólingen, dep habarlaıdy QazAqparat tilshisi.

Óńirde ótken jyly bilim berý nysandaryn salýǵa jáne materıaldyq-tehnıkalyq bazany nyǵaıtýǵa barlyǵy 13,1 mlrd teńge jumyldyrylǵan. Bul jaıly oblystyq máslıhattyń kezekti XV sessııasynda aımaq basshysy Danıal Ahmetov aıtty.

«Óskemen qalasyndaǵy tehnologııalyq kolledj ben qurylys kolledjine arnalǵan 9 qabatty eki jataqhananyń qurylysy aıaqtalýda. 3-ten 6 jasqa deıingi balalardy mektepke deıingi tárbıemen qamtamasyz etý máselesi 100% sheshimin tapty. Óskemen jáne Zaısan qalalarynda shaǵyn ortalyqtar jáne 1220 oryndyq 7 jekemenshik balabaqsha ashý esebinen 2 jastan 6 jasqa deıingi balalardy mektepke deıingi uıymdarmen qamtamasyz etý kórsetkishi 8%-ǵa ósip, 97,5%-dy qurady», - dedi ol.

Barlyq bilim berý uıymdarynda erekshe qajettiligi bar balalardy ınklıýzıvti oqytý úshin tıisti jaǵdaı jasalǵan. Kópbalaly jáne az qamtylǵan otbasylardan shyqqan balalarǵa jan-jaqty qoldaý kórsetilýde. Olardy tegin tamaqpen, mektep formasymen, aıaq kıimmen qamtamasyz etýge oblystyq bıýdjetten 3,5 mlrd teńge bólindi.

«Stýdentterdi jumyspen qamtý maqsatyndaǵy «Jas maman» jobasy aıasynda 11 quzyrettilik ortalyǵy ashyldy. Sondaı-aq búginde bıýdjettik granttar alǵan stýdentter sany 65%-ǵa artty», - dedi Danıal Ahmetov.


Joǵary qaraı