Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da birneshe márte mal urlaǵan barymtashylar ustaldy

2021 jyldyń 11 maýsym 2021 03:14

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri birneshe márte mal urlaǵan barymtashylardy qolǵa túsirdi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, eki er adam óńir aýmaǵynda mal urlyǵymen aınalysqan.

Osy ýaqytqa deıin olardyń 3 qylmysqa qatysy bar ekeni anyqtalyp otyr.

Jedel-izdestirý sharalaryn júrgizý barysynda Aıagóz jáne Tarbaǵataı aýdanynyń 22 jastaǵy eki turǵyny ustaldy.

Olar tún kezinde qoılardy urlap júrgen. Urlyqty ylǵı mal jaıylymynan jasady.

«Kúdiktiler mamyr aıynda 9 bas qoıdy urlaǵan. Eger tártip saqshylary barymtashylardy ýaqtyly ustamasa, bul san áldeqaıda kóp bolýshy edi. Qazirgi ýaqytta ekeýi ýaqytsha ustaý ızolıatoryna qamaldy. Atalǵan fakti boıynsha QR QK-niń 188-1-baby 3-bóligine sáıkes sotqa deıingi tergeý amaldary júrgizilýde. Olar 10 jylǵa deıingi merzimge bas bostandyǵynan aıyrylýy múmkin», - dedi ShQO PD bastyǵynyń orynbasary, polıtsııa polkovnıgi Talǵat Shaıahmetov.

Joǵary qaraı