Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bıyl 6 myńǵa jýyq páter paıdalanýǵa berilmek

2021 jyldyń 21 sáýir 2021 09:36

ÓSKEMEN. QazAqparat – Shyǵys Qazaqstan oblysynda 2021 jyly alty myńǵa jýyq páter paıdalanýǵa berý josparlanyp otyr, dep habarlaıdy QazAqparat tilshisi.

Bul jaıly aımaq basshysy Danıal Ahmetov óziniń Instagram jelisindegi jeke paraqshasynda jazdy.

«2021 jyly qarjylandyrýdyń barlyq kózderi esebinen jalpy aýdany 1 057 800 sharshy metrdi quraıtyn 8 736 páter salý josparlanýda. Onyń ishinde bıyl 5 975 páterdi paıdalanýǵa berý kózdelip otyr. Atap aıtqanda, 56 kóppáterli, 10 birqabatty, sondaı-aq jeke ınvestorlar esebinen 216 jalǵa beriletin jáne 225 kredıttik jeke turǵyn úı boı kóteredi», - dedi ol.

Búgingi tańda Óskemen ákimdigi tarapynan jeke ınvestorlarǵa jer telimderi berildi. 28-shi shaǵynaýdan aýmaǵynda 8 úıde qurylys-montajdaý jumystary bastalyp, qalǵandary boıynsha daıyndyq júrgizilýde.

«Osy rette, qala ákimi Jaqsylyq Omarǵa aptasyna bir ret jeke qurylys mekeme ókilderimen kezdesý ótkizýdi tapsyrdym. Qazirgi ýaqytta óńir jurtshylyǵy arasynda baspanaǵa úlken suranys bar. Sondyqtan biz barlyq kommertsııalyq kompanııalardy jumysqa tartýymyz qajet. Ári kelesi jyly oblys ortalyǵynda kommertsııalyq turǵyn úı qurylysynyń kólemin eki esege arttyrýymyz kerek», - dedi Danıal Ahmetov.

Budan bólek, Aıagóz aýdanynda ákimdik tarapynan jeke ınvestorlarǵa jer telimderi rásimdelip, qurylys-montajdaý jumystaryna daıyndyq júrgizilýde.



Joǵary qaraı