Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da bıyl AÁK alýshylardyń qujattary avtomatty túrde jınaqtalady

2022 jyldyń 28 qańtar 2022 20:37

ÓSKEMEN. QazAqparat – Shyǵys Qazaqstan oblysynda osy jyldyń birinshi toqsanynda AÁK alýshylardyń qujattary aqparattyq júıede avtomatty túrde jınaqtalady, dep habarlaıdy QazAqparat tilshisi.

ShQO Jumyspen qamtý jáne áleýmettik baǵdarlamalardy úılestirý basqarmasy áleýmettik tólemder bóliminiń basshysy Bulbul Qusmanovanyń aıtýynsha, ataýly áleýmettik kómek alatyn óńir jurtshylyǵy epıdemıologııalyq jaǵdaıǵa baılanysty qujat jınap áýre bolmaıdy.

«Ataýly áleýmettik kómek – azamattardyń az qamtylǵan sanattaryn memlekettik qoldaýdyń negizgi tetikteriniń biri. 2022 jyldyń 1 toqsanynda oblys boıynsha koronavırýs juqtyrýdyń aldyn alý maqsatynda AÁK taǵaıyndaýǵa ótinish berý avtomatty túrde júrgiziledi. ıAǵnı, bul birinshi toqsanǵa – ótken jylǵy tórtinshi toqsandaǵy tabystardy eskere otyryp, aqparattyq júıe arqyly jasalady», - dedi ol.

Bulbul Qusmanovanyń sózinshe, AÁK-ti alǵash ret alatyndar «Elektrondy úkimet» veb-portaly arqyly ótinish berýi qajet. Sondaı-aq jumyspen qamtý ortalyqtary jáne kent, aýyl, aýyldyq okrýg ákimdigine júginýge bolady.

Aıta keteıik, Shyǵys Qazaqstanda az qamtylǵan otbasylarǵa ataýly áleýmettik kómek mólsherin esepteý úshin 2022 jylǵy 1 toqsandaǵy kedeılik shegi – 27019 teńgeni qurady.


Joǵary qaraı