Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da bıyl Qazaqstan azamattyǵynan 300-den astam adam aıyryldy

2022 jyldyń 13 mamyr 2022 07:22

ÓSKEMEN. QazAqparat – Shyǵys Qazaqstan oblysynda bıyl 300-den astam adam Qazaqstan azamattyǵynan óz erkimen shyqqan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, kóshi-qon qyzmeti óńirde turatyn qos azamattyǵy bar adamdardy anyqtaýda.

Óńirde jyl basynan beri 300-den astam adam Qazaqstan Respýblıkasynyń azamattyǵynan óz erkimen shyǵarylǵan. Budan bólek, qos azamattyqpen júrgen 30-dan astam adam jaýapqa tartyldy.

«Máselen, 2016 jyldyń qyrkúıek aıynda Altaı ólkesinde Reseı Federatsııasynyń azamattyǵyn alǵan Glýbokoe aýdanynyń 67 jastaǵy turǵyny anyqtaldy. Zeınetker bul týraly Qazaqstan Respýblıkasynyń ishki ister organdaryna da, sheteldegi mekemelerge de habarlamaǵan. Quqyq buzýshy QR Qylmystyq kodeksiniń 496-baby 2-bóligi boıynsha 200 AEK (428 820 teńge) mólsherinde aıyppul tóleýge mindetteldi», - dep habarlady vedomstvo ókilderi.

Odan jeke kýáligi men Qazaqstan Respýblıkasy azamatynyń tólqujaty tárkilengen.

Esterińizge sala ketsek, osyǵan deıin ShQO-da 30-ǵa jýyq adamdy aldap soqqan alaıaq ustalǵanyn habarlaǵan edik.


Joǵary qaraı