Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bıyl Qoldau 24/7 qosymshasy arqyly 600-den astam shaǵym túsken

2021 jyldyń 28 shilde 2021 12:39

ÓSKEMEN. QazAqparat – Shyǵys Qazaqstan oblysynda jyl basynan beri Qoldau 24/7 qosymshasy arqyly 600-den astam shaǵym túsken, dep habarlaıdy QazAqparat tilshisi.

Mindetti áleýmettik medıtsınalyq saqtandyrý qory iske qosqan Qoldau 24/7 mobıldi qosymshasy turǵyndar tarapynan túsken máselelerdi sheshýge múmkindik beredi.

«Bul qosymshanyń basty qyzmeti halyqqa medıtsınalyq kómek boıynsha keńester berý, azamattardan shaǵymdar men ótinishterdi qabyldaý. Sonymen qatar medıtsınalyq qyzmettiń sapasyna baǵa berýge múmkindik týǵyzý. Óńirde jyl basynan beri osy platformanyń kómegine júgingender sany artyp otyr. Bıyl 638 túrli saýaldar men ótinishter kelip tússe, onyń 605-i medıtsınalyq qyzmetke qatysty shaǵymdar», - dep habarlady «Áleýmettik medıtsınalyq saqtandyrý qory» KEAQ ShQO boıynsha fılıalynyń baspasóz qyzmeti.

Mamandardyń aıtýynsha, qazirgi jaǵdaıda turǵyndar men medıtsına qyzmetkerleri arasynda keri baılanysty qamtamasyz etý úshin Qoldau-24/7 qosymshasy eń tıimdi tásil.

«Munda azamattardan kelgen barlyq ótinishter óńdelip, tirkeý nómirimen ótinishter tizimine túsedi. Budan bólek, aryz-shaǵymdarǵa monıtorıng júrgizilip, qajet bolǵan jaǵdaıda belgilengen merzimde sheshim qabyldaý úshin saraptamalyq baǵalaýǵa jiberiledi. Keıin atalǵan mobıldi qosymsha arqyly ótinish berýshiniń akkaýntyna jaýap beriletin bolady», - dep túsindirdi fılıal dırektory Ǵalymjan Ábilov.


Joǵary qaraı