Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bıznesti zańsyz teksermek bolǵan memorgandar jaýapqa tartyldy

2021 jyldyń 16 maýsym 2021 07:15

ÓSKEMEN. QazAqparat – Shyǵys Qazaqstan oblysynda bıznesti zańsyz teksermen bolǵan memlekettik organdar jaýapqa tartyldy, dep habarlaıdy QazAqparat tilshisi.

Memleket basshysy Qasym-Jomart Toqaev halyqqa Joldaýynda kásipkerler qyzmetine zańsyz aralasýǵa jol berilmeıtindigin atap ótken bolatyn. 2020 jyldyń 1 qańtarynan bastap Prezıdenttiń bıznesti tekserýge moratorıı jarııalaý týraly Jarlyǵy kúshine endi.

ShQO prokýratýrasynyń málimetinshe, atalǵan Jarlyq talaptarynyń saqtalýy erekshe baqylaýda. Zańsyz tekserýlerdi anyqtaýǵa jáne onyń aldyn alý maqsatynda birqatar sharalar qolǵa alynǵan.

«Jyl basynan beri quzyrly organdardyń tekserý kestesinen 2 shaǵyn kásipkerlik sýbektisi alynyp tastaldy. Mysaly, Glýbokoe aýdandyq sanıtarııalyq-epıdemıologııalyq baqylaý basqarmasy «Nefrıt 13» JShS jumysyn zańsyz teksermek bolǵan. Sondaı-aq Óskemen qalasynyń TJ basqarmasy jekemenshik «Azamat» balabaqshasyn tekserýdi kózdegen. Prokýratýranyń qadaǵalaý aktileri boıynsha atalǵan mekemeler tekserý tiziminen shyǵarylyp, zańsyzdyqqa jol bergen laýazymdy tulǵalar jaýapqa tartyldy», - delingen aqparatta.

Ótken jyly óńirdegi sanıtarııalyq-epıdemıologııalyq baqylaý organdarynyń 91 tekserýi zańsyz dep tanylǵan.

Aıta keteıik, bıznestiń quqyqtary men múddelerin qorǵaý maqsatynda prokýratýranyń mobıldi toptary jumys isteýde.



Joǵary qaraı