Aýa raıy
Astana -19 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da demalys kúni jumys istegen kólik jýatyn nysannyń ıesine aıyppul salyndy

2020 jyldyń 29 qarasha 2020 20:11

ÓSKEMEN. QazAqparat – Shyǵys Qazaqstan oblysynda shekteý sharalarynyń saqtalýyn baqylaıtyn monıtorıng toptary kezekti reıd júrgizdi, dep habarlaıdy QazAqparat tilshisi.

Kezekti reıd barysynda Óskemende bir kúnde 80 nysan tekserildi. Nátıjesinde demalys kúni jumys istegen «Shanhaı» avtojýý mekemesiniń ıesine 319 470 teńge aıyppul salyndy. Sondaı-aq «Raýan», «Rýbın»,«Danııl»,«Fix Price» dúkenderi men «Azalııa» gúl satatyn dúńgirsheginde sanıtarlyq normalardyń saqtalmaǵany anyqtalǵan. Salynǵan aıyppuldyń jalpy somasy – 208 350 teńge.

Jarma aýdanynda sanıtarlyq normalardy buzý boıynsha 2 fakti tirkelip, Qalbataý aýylynyń jáne Jańǵyztóbe kentiniń turǵyndaryna 41 670 teńgeden aıyppul salyndy. Altaı aýdanynda satyp alýshylarǵa medıtsınalyq qolǵapsyz qyzmet kórsetken «Fasol» dúkeniniń dırektoryna aıyppul arqalady.

«Úrjar aýdanynda 3 ereje buzý faktisi tirkeldi. Atap aıtqanda, Maqanshy aýylynda dúken satýshysynda medıtsınalyq maskalar qory bolmaǵan. Sonymen qatar Úrjar aýylynda dúkenge maskasyz kelgen eki turǵyn aıyppul tóleıdi. Katonqaraǵaı aýdanynda 17 nysan tekserildi. Belqaraǵaı aýylynda 1 ereje buzý faktisi tirkelip, «Almagúl» dúkeniniń satýshysyna 41 670 teńge kóleminde aıyppul salynǵan», - delingen ShQO Aqparat ortalyǵy taratqan málimette.

Glýbokoe aýdynynda 18 reıd júrgizilip, 98 nysan qamtyldy. Maska taqpaǵan eki azamat anyqtaldy. Salynǵan aıyppuldyń somasy - 83 340 teńge. Rıdder qalasynda 5 reıd ótip, 69 nysan tekserildi. Nátıjesinde 402 810 teńge kóleminde 3 aıyppul salyndy.

Aıta keteıik, ShQO-da barlyǵy 128 monıtorıng toby jumys isteýde. Olardyń quramyna polıtsııa qyzmetkerleri, jergilikti atqarýshy organdardyń ókilderi, sanıtarııalyq-epıdemıologııalyq baqylaý departamentiniń mamandary kiredi.

Joǵary qaraı