Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da eki kólik aýdarylyp ketti

2020 jyldyń 9 tamyz 2020 16:05

ÓSKEMEN. QazAqparat – Shyǵys Qazaqstan oblysy Shemonaıha aýdanynda eki kólik aýdarylyp ketti, dep habarlaıdy QazAqparat tilshi.

ShQO Polıtsııa departamenti baspasóz qyzmetiniń málimetine súıensek, 8 tamyz kúni saǵat 05.30-da «Óskemen-Shemonaıha» tas jolynyń 96-shaqyrymynda mas kúıinde Nissan laurelI avtokóligin tizgindegen er adam rýlge ıe bola almaı qalyp, kólik aryqqa qulap ketken.

«Júrgizýshi QR ÁQBtK-niń 608-baby 1-bóligimen ákimshilik jaýapkershilikke tartyldy. Osy bap boıynsha ol on bes táýlikke ákimshilik qamaýǵa alynyp, jeti jylǵa kólik quralyn júrgizý quqyǵynan aıyryldy», - deıdi ShQO PD basshysynyń orynbasary Janbolat Kaletaev.





Arada bir kún ótkennen keıin dál sol ýaqytta Shemonaıha qalasynda taǵy da kólik aýdaryldy. VAZ 2107 avtokóliginiń júrgizýshisi jyldamdyqty ruqsat etilgen shekten asyryp, sonyń saldarynan mashına aýdarylyp ketken.

«Ekinshi oqıǵada da júrgizýshi jaraqat alǵan joq. Oǵan qatysty QR ÁQBtK-niń 620-baby 1-bóligimen ákimshilik hattama toltyryldy. Er adamǵa 3 aılyq eseptik kórsetkish mólsherinde aıyppul salyndy», - delingen vedomstvo málimetinde.


Joǵary qaraı