Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da ekologııalyq máselelerdi sheshýdiń jol kartasy tanystyryldy

2020 jyldyń 24 qarasha 2020 14:46

ÓSKEMEN. QazAqparat – Shyǵys Qazaqstan oblysynda ekologııalyq máselelerdi keshendi sheshýdiń jol kartasy tanystyryldy, dep habarlaıdy QazAqparat tilshisi.

Jol kartasyna óńirdi gazdandyrý, eskirgen qoǵamdyq kólikterdi aýystyrý, ǵylymı-zertteý jumysyn júrgizý, qaldyqtardy suryptaý jáne qaıtalama paıdalaný júıesin engizý syndy sharalar engizilgen.

ShQO boıynsha ekologııa departamentiniń basshysy Danııar Álıevtiń aıtýynsha, jol kartasy 2020-2024 jyldar aralyǵyna bekitildi.

Osy jyldyń 16 qazanynda oblys ákimi Danıal Ahmetov jáne Ekologııa mınıstri Maǵzum Myrzaǵalıev Shyǵys Qazaqstannyń ekologııalyq problemalaryn keshendi sheshý jónindegi jol kartasyn bekitti.

«Baǵdarlamany daıyndaý barysynda kommýnaldyq qaldyqtardy bólek jınaý pýnkterin keńeıtý, qaldyqtardy ornalastyrýdyń óńirlik kartasyn ázirleý usynyldy. Osyǵan oraı biz tehnogendi qaldyqtardy saqtaý, turaqty organıkalyq lastaǵyshtardy jáne qaldyqtardy ornalastyrýdyń kartasyn jasamaqpyz « , - dedi ol.

Budan bólek, departament mamandary atmosferalyq aýa sapasyn jaqsartý boıynsha ǵylymı jumystardy qarady.

«Aýanyń lastanýyna yqpal etetin kómirdi paıdalanýdy qaıta qaraý usynylǵan. Bul rette búkil jeke sektordy ortalyq jylýǵa qospasaq másele sheshilmeıdi. Kartaǵa oblys ýnıversıtetteriniń birinen Termokoks tehnologııasyn engizýdiń ǵylymı izdenisteri kirip otyr. Osy tehnologııany paıdalaný kezinde bolashaqta aýada pırolızdik janý shyǵaryndylary azaıady», - dedi Danııar Álıev.

Jol kartasy 43 tarmaqtan turady. Aldaǵy ýaqytta karta memlekettik organdarmen jáne ekobelsendilermen birlesip pysyqtalady.


Joǵary qaraı