Aýa raıy
Astana 0 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da elik atqan brakoner ustaldy

2020 jyldyń 24 qyrkúıek 2020 04:08

SEMEI. QazAqparat – Shyǵys Qazaqstan oblysynda ormanda elik atqan brakoner ustaldy, dep habarlaıdy QazAqparat tilshisi.

ShQO Polıtsııa departamentiniń málimetine súıensek, qyrkúıektiń 20-nan 21-ine qaraǵan túninde saǵat 22.30-da reıd júrgizgen tártip saqshylary Maraldy aýylynyń mańyndaǵy ormanda oq atylǵanyn estip, sol jaqqa qaraı bet alǵan.

«Qyzyl tústi «Toıota Haılıýks» avtokóligi ormannan shyǵyp, «Semeı-Kýrchatov» tasjolyna qaraı joǵary jyldamdyqpen jol tartty. Júrgizýshi polıtsııa qyzmetkerleriniń zańdy talaptaryna baǵynbaǵan. Kóp uzamaı kólikti «Barys-10» ekıpajy ustady. Avtokólikti tekserý kezinde júksalǵyshtan sibir eliginiń óleksesi, 1 dana myltyq,3 oq jáne pyshaq tabyldy», - dep habarlady departamenttiń baspasóz qyzmeti.

40 jastaǵy er adam Borodýlıha aýdanynyń týmasy bolyp shyqty. Qazirde QR Qylmystyq kodeksiniń 337-baby boıynsha sotqa deıingi tergeý amaldary júrgizilýde. Birqatar saraptamalar taǵaıyndalǵan.


Joǵary qaraı