Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da «Eńbek» baǵdarlamasy aıasynda 26 myń adam jumyspen qamtyldy

2021 jyldyń 13 jeltoqsan 2021 20:31

ÓSKEMEN. QazAqparat – Shyǵys Qazaqstan oblysynda bıyl «Eńbek» baǵdarlamasy aıasynda 26 myń adam jumyspen qamtyldy, dep habarlaıdy QazAqparat tilshisi.

Bul jaıly ShQO Jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Doshan Qaıyrǵazınov onlaın formatta ótken baspasóz máslıhatynda málim etti.

«Nátıjeli jumyspen qamtýdy jáne jappaı kásipkerlikti damytýǵa baǵyttalǵan «Eńbek» baǵdarlamasyn júzege asyrý maqsatynda bıyl óńirde barlyq qarjylandyrý kózderinen 11,7 mlrd teńge bólingen. Jyl basynan beri baǵdarlamaǵa 31 myńnan astam adam qatysyp, 26 myńǵa jýyq azamat jumyspen qamtyldy. Onyń ishinde turaqty jumysqa 16 myń adam ornalasqan», - dedi ol.

Jappaı kásipkerlikti damytý maqsatynda jyldyq 6 paıyzben jeńildetilgen nesıelendirýge 4 mıllıard teńgeden astam qarjy jumyldyrylǵan. Sonyń aıasynda 838 shaǵyn nesıe berildi. Kópbalaly otbasylar 438 mln teńgege 160 shaǵyn nesıe alǵan. Sondaı-aq «Bastaý Bıznes» jobasy aıasynda eki myńǵa jýyq adam kásipkerlik negizderine oqytyldy.


Joǵary qaraı