Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

ShQO-da er adam kólge batyp ketti

2020 jyldyń 8 tamyz 2020 22:52

ÓSKEMEN. QazAqparat – Shyǵys Qazaqstan oblysynda jyl basynan beri sýǵa batyp ketkender sany 30 adamǵa jetti, dep habarlaıdy QazAqparat ShQO Tótenshe jaǵdaılar departamentiniń baspasóz qyzmetine silteme jasap.

«Búgin keshkisin saǵat 19:00-der shamasynda Dýbygalınskoe kólinde turǵyndar 1952 jyly týǵan er adamnyń denesin sýdan shyǵaryp aldy. Er adam shomylýǵa ketip, sodan qaıtyp oralmaǵan. Ol ruqsat etilmegen jerge sýǵa túsken»,-dep túsindirdi ShQO Tótenshe jaǵdaılar departamentiniń ókilderi.

Statıstıka málimetterine qaraǵanda, sýǵa kóbine er adamdar batyp ketip jatady. Onyń basty úsh sebebi bar: birinshisi, rusat etilmegen jerge shomylý, spırtti ishimdik iship, sýǵa túsý jáne óz kúshin durys baǵalaı almaý.

«Oblys turǵyndaryna aıtarymyz, shomylǵan kezde abaı bolý kerek. Tekserilmegen jerge sýǵa túsý qaýipti, al jar shetinen sýǵa sekirý odan da qaýipti. Sýǵa túskende jaǵalaýdan tym qashyq ketpeý kerek, óıtkeni sýǵa batyp ketetinderdiń kóbi ózderin myqty júzgish sanaıtyndar. Sýyq sýǵa uzaq túspeńizder. Balalardy sý jaǵasynda qaraýsyz qaldyrmańyzdar, tipti sý taıaz bolsa da»,-deıdi qutqarýshylar.


Joǵary qaraı