Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da esirtki satýmen aınalysqan qylmystyq toptyń joly kesildi

2020 jyldyń 25 qarasha 2020 22:59

ÓSKEMEN. QazAqparat – Shyǵys Qazaqstan oblysynda esirtki satýmen aınalysqan qylmystyq toptyń joly kesildi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, esirtki qylmysyna qarsy is-qımyl basqarmasy QR Ulttyq ulany 5518 áskerı bólimimen birlesip Óskemen qalasynda jasyryn jerler arqyly psıhotropty zattardy saýdalaýmen aınalysqan qylmystyq topty áshkereledi.

Qylmystyq toptyń quramynda 19-dan 26 jasqa deıingi 6 er adam bolǵan. Tekserý barysynda kúdiktilerdiń sıntetıkalyq esirtki salynǵan túıinshekterdi tyǵyp qoıǵan jerleri anyqtaldy.




«Tártip saqshylary polıetılen qapshyqtardan sıntetıkalyq psıhotroptyq zattyń 3500 dozasyn tapty. Osylaısha, zańsyz aınalymnan 1 keliden astam esirtki tárkilengen. Onyń «qara naryqtaǵy» quny shamamen 35 mıllıon teńgeden asady», - dedi ShQO PD bastyǵy Saǵat Mádıev.

Qazirgi ýaqytta kúdiktiler ýaqytsha ustaý ızolıatoryna qamaýǵa alynǵan. QR Qylmystyq kodeksiniń 297-baby 3-bóligi boıynsha sotqa deıingi tergeý amaldary júrgizilýde.





Joǵary qaraı