Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da qar qursaýynda qalǵan 10-ǵa jýyq kólik qutqaryldy

2022 jyldyń 16 qańtar 2022 12:20

ÓSKEMEN. QazAqparat – Shyǵys Qazaqstan oblysynda qar qursaýynda qalǵan 10-ǵa jýyq kólik qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 15 qańtarda óńir jurtshylyǵyna burqasyn, kóktaıǵaq jáne qatty jel eskertý jarııalanǵan. Turǵyndarǵa eldi mekenderden alys jolǵa shyqpaý qajettiligi túsindirildi. Alaıda bul keńesti tyńdamaǵandar da boldy.

«Máselen, respýblıkalyq mańyzy bar «Shemonaıha-RF shekarasy» tasjolynyń Shemonaıha aýdany mańynda 2 shaǵyn avtobýs, 6 jeńil jáne 3 júk kóligi qar qursaýynda qalǵan. Qutqarýshylar, jol qyzmetteri jáne jergilikti atqarýshy organ ókilderi oqıǵa ornyna jyldam kelip jetti. 10 adam, onyń ishinde bir bala Shemonaıha qalasynyń jylytý pýnktine jetkizildi. Olarǵa barlyq qajetti kómek kórsetildi», - delingen habarlamada.

Qazirgi ýaqytta kólikter túgeldeı qar qursaýynan shyǵarylǵan. Sondaı-aq tasjoldyń atalǵan ýchaskesi qardan tazartyldy.


Joǵary qaraı