Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da karantın shekteýleri 2 aqpanǵa deıin uzartyldy

2022 jyldyń 17 qańtar 2022 16:20

ÓSKEMEN. QazAqparat – Shyǵys Qazaqstan oblysynda karantın shekteýleri 2 aqpanǵa deıin uzartyldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 2 aqpanǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

Búginde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń toltyrylý deńgeıi – 8,6%. Oblys boıynsha ınfektsııanyń reprodýktıvtik R sany – 2,539.

Osy rette, ShQO Sanıtarlyq-epıdemıologııalyq baqylaý departamenti halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylaryndaǵy barlyq shekteýlerdi saqtaýǵa shaqyrady.



Joǵary qaraı