Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da qatty jel mekteptiń shatyryn ushyryp jiberdi

2020 jyldyń 27 qazan 2020 17:25

ÓSKEMEN. QazAqparat - Shyǵys Qazaqstan oblysy Kókpekti aýdanynda qatty jel mektep shatyryn ushyryp áketti, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, jyldamdyǵy sekýndyna 17 metrge jetetin qatty jeldiń saldarynan Kókjaıyq aýylyndaǵy orta mekteptiń shatyry buzyldy.

Ǵımarattyń jalpy aýdany - 1600 sharshy metr. Zardap shekken eshkim joq.

«TJD daýyldy jel týraly aldyn ala eskertý jasaǵan. Áli de turǵyndardy saq bolýǵa jáne úlken aǵashtardyń astynda turmaýǵa jáne avtokólik qoımaýǵa shaqyramyz. Sondaı-aq bılbordtardan jáne basqa da aspaly qurylymdardan, elektr jelilerinen múmkindiginshe alys bolý kerek. Jazataıym oqıǵalar bolmas úshin barynsha abaı bolǵan jón» , - dep habarlady vedomstvo ókilderi.

Tótenshe jaǵdaı týyndaǵan jaǵdaıda 112 qyzmetine habarlasý kerek.


Joǵary qaraı