Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da kóktaıǵaqqa baılanysty birqatar jol jabyldy

2021 jyldyń 7 jeltoqsan 2021 22:20

ÓSKEMEN. QazAqparat – Shyǵys Qazaqstan oblysynda birqatar tasjolda kólik qozǵalysy shekteldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, aýa raıynyń nasharlaýyna, naqty aıtqanda kóktaıǵaq pen qar aralas jańbyr jaýýyna baılanysty óńirdegi birqatar jolda kólik qozǵalysy shekteldi.

«Búgin saǵat 20.00-den bastap respýblıkalyq mańyzy bar «Óskemen-Semeı» tasjolynyń 10-198 shaqyramynda (Gerasımovka aýyly men Semeı qalasynyń aralyǵy), «Óskemen-Rıdder-RF shekarasy» tasjolynyń 15-105 shaqyramynda (Beloýsovka aýyly men Rıdder aralyǵy), «Óskemen-Shemonaıha-RF shekarasy» tasjolynyń 15-123 shaqyramynda (Glýbokoe aýdany men Shemonaıha aýdanynyń arasy) tirkemesi jáne jartylaı tirkemesi bar júk kólikteri, sondaı-aq jolaýshy tasıtyn kólikter qozǵalysyna shekteý engizildi, - delingen aqparatta.

Osy rette departament mamandary turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.


Joǵary qaraı