Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da KSRO tólqujatymen júrgen 150-den astam adam anyqtaldy

2021 jyldyń 28 qyrkúıek 2021 19:12

ÓSKEMEN. QazAqparat – Shyǵys Qazaqstan oblysynda KSRO tólqujatymen júrgen 150-den astam adam anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, kóshi-qon qyzmetiniń ókilderi «Ýchaske» jedel aldyn alý sharasy kezinde jeke basyn kýálandyratyn qujatsyz turatyn jáne 1974 jylǵy úlgidegi KSRO pasporttaryn ýaqtyly aýystyrmaǵan adamdardy anyqtaýda. Olar qujattardyń bolmaýyna baılanysty medıtsına, bilim berý qyzmetterin ala almaýda, járdemaqylar men zeınetaqydan qur qalyp, resmı jumysqa ornalasýǵa múmkindikteri de joq.

«Jyl basynan beri 1974 jylǵy úlgidegi KSRO pasporttarymen júrgen 150-den astam adam QR azamaty bolyp tanylǵan. Máselen, Altaı aýdanynyń polıtsııa bólimine 49 jastaǵy azamat júginip, 1988 jyly Ýkraınada berilgen pasportpen turyp jatqanyn aıtty. Er adam Qazaqstanǵa 90-shy jyldary kelip, Óskemen qalasynda áskerı qyzmetin ótegen. Jańa Buqtyrma kentinde jumys istep júrgen ol 25 jyl buryn qujattardy Ýkraınaǵa joldasa da áli kúnge deıin jaýap kelmegen», - dedi oblystyq PD bastyǵy Saǵat Mádıev.

Kóshi-qon qyzmetiniń mamandary Qazaqstan Respýblıkasynyń konsýldyǵy arqyly Ýkraınadan qajetti qujattardy suratýǵa járdemdesti. Osylaısha, er adamǵa Qazaqstan Respýblıkasy azamatynyń jeke kýáligi rásimdeldi.


Joǵary qaraı