Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da qutqarýshylar qatarynda 6 túrli ult ókili jumys isteıdi

2022 jyldyń 1 mamyr 2022 15:21

ÓSKEMEN. QazAqparat – Shyǵys Qazaqstan oblysynyń Tótenshe jaǵdaılar departamentinde 6 túrli ult ókili jumys isteıdi, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, óńir jurtshylyǵynyń qaýipsizdigin qamtamasyz etetin qutqarýshylar qatarynda 6 ult ókili jumys isteıdi. Atap aıtqanda, qazaq, orys, ýkraın, nemis, tatar jáne grek.

Aralarynda eki ulttan ortaq otbasy qurǵandar da bar. Erli-zaıyptylar eki ulttyń da qundylyǵy men dástúrin saqtap, tatý-tátti ǵumyr keshýde.

«Bul halyqtardyń árqaısysynyń ózindik ereksheligi bar. Biraq olar bir úıdiń balasyndaı. Departamenttiń barlyq jetistikteri - eń aldymen, kópultty ujymnyń birligi men dostyǵynyń arqasy», - delingen aqparatta.

Jyl basynan beri Tótenshe jaǵdaılar departamenti qyzmetkerleri 2000-nan astam túrli oqıǵaǵa bardy. Sonyń nátıjesinde, 254 adam qutqarylyp, 337 azamat evakýatsııalandy.

Esterińizge sala ketsek, osyǵan deıin Alakól mańyndaǵy áýejaı týrıstik maýsymǵa deıin jóndelip bitetinin habarlaǵan edik.








Joǵary qaraı