Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da qutqarylǵan birqazan poıyzben Almatyǵa jetkizildi

2021 jyldyń 17 qazan 2021 21:05

ALMATY. QazAqparat – Shyǵys Qazaqstan oblysynda qutqarylǵan birqazan Almaty zoobaǵyna jetkizildi, dep habarlaıdy QazAqparat.

Birqazan Shyǵys Qazaqstan oblysy Glýbokovskoe aýdanynyń Beloýsovka aýylynda tabylǵan. Jaralanǵan qusty aýyl turǵyndary baıqap, qańǵybas ıtterden qutqaryp qalǵan.

Qyzyl kitapqa engen qus búgin poıyzben Almaty qalasyna jetkizildi.

«Bul – qyzǵylt birqazannyń balapany, týǵanyna úsh aı ǵana bolǵan.
Ol jumyrtqasynan kesh shyǵyp, qystaıtyn mekenine ushyp ketýge kúshi jetpegen», - delingen Almaty zoobaǵynyń málimetinde.

Zoobaq aqparatyna súıensek, ShQO-dan jetkizilgen qus bıylǵy kúzde Almatynyń janýarlar baǵyna jetkizilgen ekinshi kishkentaı birqazan.

«Birinshisi bizge eki apta buryn Aqtaý qalasynan jetkizildi.
Shyǵys Qazaqstannan ákelingen birqazan ózge qustardan oqshaýlandyrylyp, aldymen bir aı veterınarııa bóliminde karantınde bolady. Dárigerlerimiz onyń densaýlyǵyn tekserip, baqylyp, ártúrli zııankesterden tazartyp, qus aýrýlarynan saqtaıtyn arnaıy ekpeler salady.
Sodan keıin ǵana ol Fımke, Halıfý sııaqty tuqymdastaryna qosylyp, birqazandar úıine aýystyrylady», - dedi zoobaqtan.




Joǵary qaraı