Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da órt qaýipsizdigi erejelerin buzǵan 180-nen astam adam jaýapqa tartyldy

2021 jyldyń 7 mamyr 2021 13:24

NUR-SULTAN. QazAqparat – Shyǵys Qazaqstan oblysynda órt qaýipsizdigi erejelerin buzǵan 180-nen astam azamat jaýapqa tartyldy, dep habarlaıdy QazAqparat Shyǵys Qazaqstan oblystyq Tótenshe jaǵdaılar departamentiniń baspasóz qyzmetine silteme jasap.

Baspasóz qyzmeti taratqan málimetterge qaraǵanda, mereke kúnderi ádette, órt oqıǵalary men órtterdiń týyndaý qaýpi artady.

2021 jylǵy 1-7 mamyr aralyǵynda 131 ret shóp órtenip, 449 ge alqap otqa oranǵan. Tek bir táýlik ishinde ǵana Jarma aýdanynda 20 ga, Glýbokoe aýdanynda Bystrýha aýylynda 1,2 ga, Kókpekti aýdanynda 20 ga, Altaı aýdanynda 1 ga, Kamennyı karer aýdanynda 7 ga aýmaqty jalmaǵan órt sóndirildi.

Borodýlıha aýdanynda Dmıtrıevka aýylynda shóptiń tutanýy nátıjesinde órt sharýashylyq qurylystarynyń aǵash konstrýktsııalaryna órship, órt sóndirýshiler 275 sharshy metr aýmaqty sharpyǵan jalyndy sóndirdi. Aıagóz aýdanynda shóptiń janýy saldarynan órt 70 sharshy metr sharýashylyq qurylystary janyp, 2 tonna shóp búlingen. Rıdder qalasynda órtengen shóp 10 jáne 5 metrlik qorshaýdyń aǵash konstrýktsııalaryn zaqymdady.





ShQO TJD Órt qaýipsizdigin buzǵany úshin jaýapkershilik QR «Ákimshilik quqyq buzýshylyq týraly» Kodeksiniń 336-babynda belgilengenin eske salady. Órt qaýipti kezeń bastalǵannan beri joǵaryda atalǵan bapty buzǵan 180-nen astam azamat ákimshilik jaýapqa tartylǵan.

ShQO TJD Halyqty ottan jáne tez tutanatyn zattardan saq bolýǵa, mereke kúnderi qaýipsiz júris-turys erejelerin saqtaýǵa shaqyrady.

«Órt bolǵan jaǵdaıda birden 101 jáne 112 nómirleri boıynsha habarlaý qajet»,-delingen habarlamada.





Joǵary qaraı