Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da sirińkemen oınaǵan bala 12 tonna pishendi órtep jiberdi

2020 jyldyń 22 qyrkúıek 2020 10:22

ÓSKEMEN. QazAqparat – Shyǵys Qazaqstan oblysy Shar qalasynda sirińkemen oınaǵan bala 12 tonna pishendi órtep jibergen, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Shar qalasynda balalar shóp qorada oınap júrgen. Pishen qoranyń tóbesine jáne janyna jınalǵan. Kýágerlerdiń aıtýynsha, sirińkemen oınap júrgen 6 jasar bala baıqaýsyzda shópti órtep jiberedi.

«Órt sóndirýshiler 6 mınýt ishinde oqıǵa ornyna kelip jetti. Olar bir jarym saǵattan astam ýaqyttyń ishinde tilsiz jaýdy tolyqtaı aýyzdyqtap, órttiń jaqyn mańdaǵy ǵımarattarǵa taralýyna jol bermedi. Zardap shekken eshkim joq», - dep habarlady vedomstvo ókilderi.

Osy rette, TJD ata-analarǵa balalarǵa sirińkemen oınaýǵa bolmaıtynyn, órttiń adam ómirine asa qaýipti ekendigin túsindirý qajettigin eskertedi.


Joǵary qaraı