Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da statsıonarlyq beketten esirtki alyp ótpek bolǵan er adam ustaldy

2021 jyldyń 15 qyrkúıek 2021 09:21

ÓSKEMEN. QazAqparat – Shyǵys Qazaqstan oblysy Shemonaıha aýdanynda er adamnyń statsıonarlyq beketten esirtki alyp ótpek bolǵany ıisshil ıttiń kómegimen anyqtaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, «Berlın» laqapatty nemis ovcharkasy kólik salonynda tyıym salynǵan zattyń bar ekenin anyqtaǵan.

Shemonaıha aýdanynda ornalasqan «Rýbej» statsıonarlyq beketinde «Volkswagen» avtokóligi toqtatyldy.

Sol kezde ıisshil ıt kóliktegi jolaýshylardyń birinde esirtki bolýy múmkin ekenin bildirip, belgi bergen.

Jeke tintý barysynda Ýst-Talovka kentiniń 41 jastaǵy turǵynynyń qaltasynan polıetılen paketke salynǵan ósimdik tektes, jasyl tústi, ótkir ıisti zat tabyldy.

«Saraptama qorytyndysyna sáıkes, jalpy salmaǵy 1,08 gramdy quraǵan tárkilengen zat «keptirilgen marıhýana» bolyp shyqty. Atalǵan fakti boıynsha QR QK-niń 296-baby 2-bóligine sáıkes (esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý) sotqa deıingi tergeý amaldary bastaldy», - dedi oblystyq PD jergilikti polıtsııa qyzmeti basqarmasynyń bastyǵy Talǵat Nurıev.


Joǵary qaraı