Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da sýıtsıd jasamaq bolǵan adamdy qutqarǵan polıtseı kelinshek marapattaldy

2021 jyldyń 14 qyrkúıek 2021 13:31

ÓSKEMEN. QazAqparat – Shyǵys Qazaqstan oblysy Altaı aýdanynda ózine qol jumsamaq bolǵan adamdy qutqaryp qalǵan polıtsııa qyzmetkeri marapattaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Altaı aýdandyq PB kadr saıasaty tobynyń ınspektory Álııa Anaeva «Quqyq tártibin qamtamasyz etýge qosqan úlesi úshin» medalimen marapattaldy.

Oǵan medaldi departament bastyǵynyń orynbasary Renat Ýnarbekov tabystady.

Saltanatty sharada barlyq sanıtarlyq normalar qatań saqtalǵan.

«Álııa Anaeva 12 tamyz kúni tańǵy saǵat 07:45 kezinde jumysqa bara jatty. Kenet Kýrchatov kóshesi boıynda ornalasqan ǵımarattyń 3-qabatyndaǵy terezeden sekireıin dep turǵan adamdy baıqap qalǵan. Tártip saqshysy lezde bul jaıly kezekshi bólimge habarlap, olar kelgenshe álgi azamatty teris nıetinen qaıtarmaq bolǵan. Asyǵys sheshim qabyldamaýǵa shaqyryp, kóndirýge bar kúshin saldy», - delingen aqparatta.

Oqıǵa ornyna bes mınýt ishinde kelgen patrýldik polıtsııa vzvodynyń qyzmetkerleri Aıhan Áýtalıpov jáne kishi leıtenant Qýat Baıshokov 3-qabatqa kóterilip, er adamdy ustap alǵan.

Keıin Altaı qalasynyń turǵynymen psıhologtar jumys istedi.

Esterińizge sala ketsek, osyǵan deıin ShQO-da áıeli tastap ketken er adam úshinshi qabattan sekirmek bolǵanyn habarlaǵan edik.


Joǵary qaraı