Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da Táýelsizdiktiń 30 jyldyǵy aıasynda 3 myńnan astam shara ótkizildi

2021 jyldyń 27 shilde 2021 11:29

ÓSKEMEN. QazAqparat – Shyǵys Qazaqstan oblysynda Qazaqstan Respýblıkasy Táýelsizdiginiń 30 jyldyǵy aıasynda 3 myńnan astam shara ótkizildi, dep habarlaıdy QazAqparat tilshisi.

«El Táýelsizdiginiń 30 jyldyǵyna arnalǵan merekelik sharalardy iske asyrý boıynsha Shyǵys Qazaqstanda keń kólemdi jumys júrgizilýde. Osy maqsatta óńirlik shtab qurylyp, oǵan oblys ákimi Danıal Ahmetov basshylyq etýde. Barlyq sharalar Qazaqstannyń táýelsizdik jyldaryndaǵy jetistikterin kórsetýge, áleýmettik jobalardy iske asyrýǵa, shyǵarmashylyq bastamalardy qoldaýǵa baǵyttalǵan. Osy ýaqytqa deıin óńir boıynsha 3 myńnan astam shara ótkizildi. Onyń ishinde 2 halyqaralyq, 66 respýblıkalyq, 363 oblystyq deńgeıde uıymdastyrylǵan», - dedi ShQO ákiminiń orynbasary Azamat Muhamedchınov oblystyq Aqparat ortalyǵynda ótken baspasóz brıfınginde.

Onyń aıtýynsha, oblystyń eldi mekenderinde kórnekti bezendirý aıasynda «Táýelsizdik jetistikteri» taqyrybynda 240 bılbord ornalastyrylǵan. Óskemen qalasynda «Jastar shyǵarmashylyǵy - Qazaqstannyń ınnovatsııalyq damýy úshin» atty halyqaralyq ǵylymı-tehnıkalyq konferentsııasy ótti. Sondaı-aq Kýrchatov shaharyndaǵy Ulttyq ıadrolyq ortalyqta AQSh Qorǵanys mınıstrliginiń mamandarymen ıadrolyq qarýdy taratpaý máseleleri boıynsha kezdesý uıymdastyryldy.

«Jyl kóleminde Qazaqstan Halqy assambleıasy negizinde etnosaralyq kelisimdi saqtaý boıynsha keshendi jumys júrgizilmek. Qazirgi ýaqytta Assambleıanyń «Biz birgemiz», «Qazaqstan», «Qazaqtaný», «Halyq ekspedıtsııasy», «Shańyraq», «Birlik», «Bilim», «Myń bala», «Eńbek joly», «30 qaıyrymdy is» syndy jobalary iske asyrylyp jatyr. Barlyq sharalarda jastar men eriktiler erekshe belsendilik tanytýda», - dedi Azamat Muhamedchınov.

Aıta keteıik, 30 jyl ishinde Shyǵys Qazaqstanda 144 mektep, 27 balabaqsha, 453 sporttyq jáne 107 densaýlyq saqtaý nysandary salynǵan.


Joǵary qaraı