Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da toı-toımalaq ótkizgen turǵyndarǵa aıyppul salyndy

2020 jyldyń 4 jeltoqsan 2020 00:33

ÓSKEMEN. QazAqparat – Shyǵys Qazaqstan oblysyndaǵy monıtorıng toptary reıd sharalaryn jalǵastyrýda, dep habarlaıdy QazAqparat tilshisi.

Kezekti reıd barysynda birqatar ereje buzý faktileri anyqtaldy. Oblys ortalyǵynda 5 adam shekteý sharalaryn saqtamaǵan. Sondaı-aq «Rýbın»,«Na koltsevoı» dúkenderi, «Passaj» saýda úıi jáne azyq-túlik satatyn dúńgirshek ıelerine 208 350 teńge mólsherinde aıyppul salyndy.

Al Semeıde «Merkýrıı» meıramhanasynyń ıesi otbasylyq merekelik shara ótkizgeni úshin aıyppul arqalady. Úıinde saltanatty shara ótkizgen azamat pen №6 qoǵamdyq kólikte maska rejımin buzǵan qala turǵyny da jazaǵa tartyldy. Aıyppuldyń jalpy somasy - 402 810 teńge.

«Zaısan aýdanynda 46 nysan tekserilip, 1 hattama toltyryldy. Qaratal aýylynda buryn tirkelgen 1 ereje buzýshylyq boıynsha 41 670 teńge aıyppul salyndy. Munda Kebaev, 36 mekenjaıyndaǵy úıde saltanatty shara ótkizgen R.Qasymov esimdi azamat ákimshilik jaýapkershilikke tartyldy. Aıagóz aýdanynda sanıtarlyq normalardy buzǵan N.Ahmadıev, A.Qýandyqov, O.Nurǵalıeva jáne A.Іlııasova esimdi turǵyndar ákimshilik jaýapkershilikke tartyldy» delingen ShQO aqparat ortalyǵy taratqan málimette.

Katonqaraǵaı aýdanynda ótken reıd barysynda Topqaıyń aýylynda 1 ereje buzýshylyq anyqtalyp, «Qýat» dúkeniniń satýshysy N.Nurǵalıevaǵa 41 670 teńge aıyppul salyndy.

Rıdderde 5 reıd ótip, 71 nysan tekserildi. Kúrshim aýdanynyń Boran aýylynda M.Muqanov esimdi azamat maska rejımin saqtamaǵany úshin ákimshilik jaýapkershilikke tartyldy.

Joǵary qaraı