Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da týrıstik maýsymǵa belsendi daıyndyq júrgizilýde

2021 jyldyń 17 sáýir 2021 03:24

ÓSKEMEN. QazAqparat – Shyǵys Qazaqstan oblysyndaǵy Úrjar aýdanynda týrıstik maýsymǵa belsendi daıyndyq júrgizilip jatyr, dep habarlaıdy QazAqparat tilshisi.

Aımaq basshysy Danıal Ahmetov Úrjar aýdanyna jasaǵan jumys sapary barysynda aýdandyq aýrýhanaǵa bas suqty. Munda Alakólge demalýǵa kelgen týrıstter úshin tıisti jaǵdaı jasalǵan. Qazirgi ýaqytta aýrýhana týrıstik maýsymnyń ashylýyna tolyqtaı daıyn. Onda ottegi stantsııasy, PTR-zerthana bar, kompıýterlik tomograf jáne rentgen-apparat ta ornatylǵan. Sondaı-aq medıtsınalyq mekemede Óskemen men Semeı qalalaryndaǵy klınıkalardan shaqyrylǵan dárigerlerdiń qatysýymen kúrdeli neırohırýrgııalyq otalar júrgiziledi.

«Úrjar aýdandyq aýrýhanasynyń aq halattylary Izraıl, Lıtva jáne Ulybrıtanııa elderinde is-tájirıbeden ótip, biliktilikterin arttyrǵan. Osy baǵyttaǵy jumystar aldaǵy ýaqytta da jalǵasatyn bolady», - dedi Danıal Ahmetov.

Qazirgi ýaqytta aýdan boıynsha týrıstik maýsymǵa belsendi daıyndyq júrgizilýde. Bul baǵytta aýdandyq aýrýhana da shet qalmaıdy. Dárigerler naýqastarǵa kez kelgen ýaqytta kómektesýge ázir.


Joǵary qaraı