Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da túske deıin aýyl ákimderiniń saılaýynda turǵyndardyń 50 paıyzy daýys berdi

2021 jyldyń 25 shilde 2021 13:02

ÓSKEMEN. QazAqparat – Shyǵys Qazaqstan oblysynda túske deıin aýyl ákimderiniń saılaýynda turǵyndardyń 50 paıyzy daýys berdi, dep habarlaıdy QazAqparat tilshisi

ShQO Aqparat ortalyǵynyń málimetine súıensek, aýyldy jerlerde daýys berý qalalarǵa qaraǵanda belsendi ótýde. Óıtkeni, aýyldaǵy azamattar kóbinese óz eldi mekenderin basqaratyn adamdardy jaqsy biledi.

Shyǵys Qazaqstanda saılaý 194 eldi mekende ótýde. Aldyn ala málimetter boıynsha saǵat 12.00-de halyqtyń kelýi saılaýshylardyń jalpy sanynyń 50 paıyzynan astamyn qurap otyr. Oblystyq saılaý komıssııasynyń tóraǵasy Ersaıyn Nábıevtiń aıtýynsha, saılaý talapqa saı ótip jatyr, eshqandaı buzýshylyqtar tirkelmegen.




Oblystyq SEB departamenti basshysynyń orynbasary Ǵalymbek Alın saılaý ýchaskelerinde sanıtarlyq-epıdemıologııalyq normalar saqtalýy tıis ekenin eske saldy.

«Saılaý ýchaskesinde saılaý komıssııalarynyń músheleri men qatar dene qyzýy kóterilgen, sondaı-aq koronavırýs ınfektsııasynyń basqa da belgileri bar adamdardyń bolýyna tyıym salynady. Statsıonarlyq jáne tasymaldanatyn jáshikterdi ashar aldynda sanıtarlyq óńdeý júrgizý qajet. Barlyq rásimder aıaqtalǵannan keıin, daýys berýge arnalǵan mekeme tolyq dezınfektsııalanýy tıis, - dedi Ǵalymbek Alın.


Joǵary qaraı