Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da zeınetkerlerdi óltirip, úıin órtep jibergen kúdikti ustaldy

2021 jyldyń 14 qazan 2021 11:30

ÓSKEMEN. QazAqparat – Shyǵys Qazaqstan oblysy Altaı aýdanynda eki zeınetkerdi qatygezdikpen óltirgen qaskóı ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, osy jyldyń 25 qańtarynda tańerteń Altaı aýdany Prıbrejnyı kentiniń turǵyndary kórshi úıdiń órtenip jatqanyn kórdi. Oqıǵa ornyna kelgen órt sóndirýshiler tilsiz jaýdy aýyzdyqtaǵan soń, edende zorlyq-zombylyqpen óltirilgen 83 jastaǵy áıel men 74 jastaǵy er adamnyń máıitterin tapty.

«Olardyń denesinde kóptegen pyshaq jaraqattary bolǵan. Atalǵan fakti boıynsha polıtseıler QR QK-niń 99-baby 2-bóligine (kisi óltirý) sáıkes sotqa deıingi tergeý amaldaryn júrgizdi. Alaıda sol kezde qylmyskerdi tabý múmkin bolmaǵan», - dedi departament bastyǵynyń orynbasary Talǵat Shaıahmetov.

Osy jyldyń qazan aıynda aýyr qylmysqa qatysy bar kúdikti anyqtaldy. Ol jábirlenýshilermen arazdasyp júrgen 37 jastaǵy er adam bolyp shyqty. Kisi óltirgennen keıin ádeıi úıdi órtep, oqıǵa ornynan qashyp ketken. Qazirgi ýaqytta kúdikti qamaýǵa alyndy. Eger sot ony kináli dep tanysa, 20 jylǵa deıin nemese ómir boıy bas bostandyǵynan aıyrý jazasy taǵaıyndalýy múmkin.




Joǵary qaraı