Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jabylatyn avtozaýyttyń 2 myńǵa jýyq mamany jumyspen qamtylmaq

2021 jyldyń 23 aqpan 2021 14:08

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov «BIPEK AVTO – AZIıA AVTO» kompanııasynyń jumystan bosatylatyn qyzmetkerlerin jumyspen qamtý máselesin qarady, dep habarlaıdy QazAqparat tilshisi.

Esterińizge sala ketsek, 2020 jyldyń 1 sáýirinde QR Indýstrııa jáne ınfraqurylymdyq damý mınıstrligi«BIPEK AVTO-AZIıA AVTO» kompanııasy usynǵan esepten keıin olardyń dánekerleý men kólik shanaǵyn boıaý mindettemelerin oryndamaǵanyn anyqtaǵan bolatyn. Keıinnen Nur-Sultan qalasynyń Mamandandyrylǵan aýdanaralyq ekonomıkalyq sotynyń úkimimen kompanııadan 173,9 mlrd teńge mólsherinde materıaldyq zalaldy óndirý týraly sheshim qabyldanǵan.

«QR Eńbek kodeksiniń 53-baby 1-tarmaǵyna sáıkes, «BIPEK AVTO-AZIıA AVTO» Kompanııalar Tobynyń bólimshesi jumyspen qamtý organdaryna 10 naýryzdan bastap jumystan bosatylýy múmkin 1969 adamnyń tizimin usyndy. Olardyń ishinde 1905 adam eńbekke qabiletti bolsa, 64-i zeınet jasynda. Osyǵan oraı, atalǵan azamattardy jumyspen qamtý máselesin sheshý maqsatynda jedel shtab quryldy. Onyń quramyna qadaǵalaý jáne quqyq qorǵaý organdary, «BIPEK AVTO – AZIıA AVTO» kompanııasynyń basshylyǵy kirdi», - dep jazdy Danıal Ahmetov Instagram jelisindegi jeke paraqshasynda. https://www.instagram.com/p/CLmmwEBLq2c/?utm_source=ig_web_copy_link

Ótken aptada shtabtyń úsh otyrysy ótken. Sonyń nátıjesinde eńbekaqyny tóleý úshin «BIPEK AVTO-AZIıA AVTO» kompanııasynyń buǵattalǵan shottary ashyldy. Bul rette kompanııa basshylyǵy jalaqyny 10 naýryzǵa deıin tóleý týraly sheshim qabyldaǵan.

«Óńirdegi iri kásiporyn basshylarynyń qatysýymen jedel shtabtyń taǵy bir otyrysy ótti. Ózara birlesken jumystyń arqasynda eki kún ishinde aımaqtaǵy jetekshi kompanııalardyń bos jumys oryndarynyń tizimi jasalǵan. Máselen, búginde jumystan bosatylatyn eńbekke qabiletti 1905 adam úshin oblys boıynsha 3199 bos jumys orny bar (rezerv 1294). Onyń ishinde 1303-i iri kásiporyndarda jáne 1896-y elektrondyq eńbek bazasynda.

Jıyn barysynda «Kemont» AQ Personalmen jumys departamentiniń basshysy bosatylǵan mamandardy jumysqa qabyldaý rásimin bastap ketkenin atap ótti. Búginde 80-nen astam óz mindetterin aıaqtaǵannan keıin jumysqa kirisýge daıyn ekendigin jetkizgen. Árbir adam boıynsha jedel aqparatty men kún saıyn saǵat 18.00-de jiti qaraıtyn bolamyn», - dedi aımaq basshysy.

Danıal Ahmetov avtokólikterdi ónerkásiptik qurastyrýmen aınalysatyn otandyq zaýyttardyń basshylyǵymen kelissózder júrgizdi. Olar mamandardy qyzmetke alýǵa daıyn ekendigin jetkizdi. Sondyqtan jedel shtab «BIPEK AVTO – AZIıA AVTO» basshylyǵyna Almaty men Qostanaıda jumys istegisi keletin nemese nıeti bar 270 adamnyń aldyn ala tizimin daıyndaýdy usynǵan.


Joǵary qaraı