Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jasandy jolmen qar kóshkini túsirildi

2021 jyldyń 24 aqpan 2021 02:41

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, sońǵy kúnderi óńirde kún jylyp, jıi qar jaýyp tur. Jel jyldamdyǵy da artqan. Osylaısha, taýly aımaqtarda kóshkin júrý yqtımaldyǵy joǵarylady.

Taýlardaǵy qar jamylǵysyn «Qazseldenqorǵaý» mekemesiniń mamandary únemi baqylap otyr. Qaýip tóngen jaǵdaıda birden sol jerlerde profılaktıkalyq jarylys júrgiziledi.

Búgin «Óskemen-Samar» tasjolynyń 95-102 shaqyrymyndaǵy taý bókterinde jasandy jolmen qar kóshkini túsirildi. 4 jarylys jasalyp, 3 600 tekshe metr qar taý etegine túsirilgen.

Aıta keteıik, óńirde 28 aqpanǵa deıin kóshkin júrý qaýpi saqtalady.



Joǵary qaraı