Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jeńgetaılyqpen aınalysqan 3 adam ustaldy

2020 jyldyń 30 qarasha 2020 16:48

ÓSKEMEN. QazAqparat – Shyǵys Qazaqstan oblysynda «STOP trafık» jedel aldyn alý sharasy barysynda jeńgetaılyqpen aınalysyp júrgen 3 adam ustaldy, dep habarlaıdy QazAqparat tilshisi.

ShQO Polıtsııa departamenti krımınaldyq polıtsııa basqarmasynyń qyzmetkerleri Óskemen qalasynyń aýmaǵynda ıntımdik qyzmet kórsetetin 15 áıeldi anyqtady. QR QK-niń 449-baby (Qoǵamdyq tártipti saqtaý jáne qoǵamdyq qaýipsizdikti qamtamasyz etý jónindegi qyzmet atqarý qaǵıdalaryn buzý) boıynsha 25 ákimshilik hattama toltyryldy.

«Sondaı-aq klıentterge jeńil júristi qyzdardy usynyp, jeńgetaılyqpen aınalysqan 60, 43 jáne 20 jastaǵy saýna ákimshileri ustalǵan. Atalǵan fakti negizinde QR Qylmystyq kodeksiniń 309-baby 1-bóligimen sotqa deıingi tergeý amaldary bastaldy», - deıdi ShQO PD bastyǵy Saǵat Mádıev.

Budan bólek, jedel aldyn alý sharasy barysynda jezókshelikpen aınalysýǵa tartý faktisi tirkelgen. 22 jastaǵy kúdikti qazan aıynyń basynda 18 jastaǵy boıjetkendi ıntımdik qyzmet kórsetýge tartty. Qazirgi ýaqytta oǵan qatysty QR Qylmystyq kodeksiniń 308 baby 1 bóligimen tergeý amaldary júrgizilýde.


Joǵary qaraı