Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da joǵalǵan 5 jasar bala tabyldy

2021 jyldyń 17 sáýir 2021 13:17

ÓSKEMEN. QazAqparat - Shyǵys Qazaqstan oblysynyń polıtseıleri joǵalǵan 5 jasar balany taýyp, ata-anasyna qaıtardy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 16 sáýir kúni saǵat 16:30 shamasynda Glýbokoe aýdandyq polıtsııa bólimine habarlasqan áıel balasynyń joǵalǵanyn aıtyp, kómek suraǵan. Óz sózinde ol saǵat 14:30-dan beri 5 jasar ulynyń qaıda ekenin bilmeıtinin aıtty.

«Polıtsııa qyzmetkerleri dereý joǵalǵan balany izdeýge kiristi. Bul rette izdeýge departamenttiń jedel ýákilderi men qyzmettik ıtter de jumyldyrylǵan. Bala oınap júrgen aýmaqtaǵy turǵyn úıler jiti tekserildi. Eldi mekendegi qaraýsyz qalǵan ǵımarattar da muqııat qaraldy», - delingen habarlamada.

Nátıjesinde eki saǵat ishinde bala tabyldy. Abyroı bolǵanda, onyń densaýlyǵyna eshqandaı zaqym kelmegen. Belgili bolǵandaı, ata-anasy úı sharýalarymen júrgende ol kórshi balamen oınap, úıden tym alystap ketken eken.

«Ulymdy tapqan polıtsııa qyzmetkerlerine úlken raqmet! Jumystaryńyzǵa tabys tileımin», - dedi Natalıa Kýdrıavtseva.


Joǵary qaraı