Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jol apatynan 1 adam kóz jumyp, 2 adam jaraqat aldy

2021 jyldyń 28 shilde 2021 13:55

ÓSKEMEN. QazAqparat – Shyǵys Qazaqstan oblysyndaǵy «Óskemen-Semeı» tasjolynda eki kólik soqtyǵysty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «Óskemen-Semeı» tasjolynyń 20-shy shaqyrymynda «Nissan Almera» avtokóliginiń 47 jastaǵy júrgizýshisi aldyndaǵy kólikti basyp ozý úshin qarsy baǵytqa shyqqan. Manevr jasaý kezinde qaýipsizdikke kóz jetkizbegendiktiń saldarynan ol qarsy baǵytta kele jatqan «Audi markili kóligimen soqtyǵysty. Jol apatyna kináli er adamnyń kóligi jyraǵa qulap, aýdarylyp túsken.

«Nissan Almera kóliginiń 46 jastaǵy jolaýshysy oqıǵa ornynda jantásilim etti. Al túrli jaraqat alǵan júrgizýshi men ekinshi jolaýshy Óskemendegi aýrýhanaǵa jatqyzyldy», - dep habarlady vedomstvo ókilderi.

Atalǵan fakti boıynsha QR Qylmystyq Kodeksiniń 345-babyna sáıkes sotqa deıingi tergeý amaldary bastaldy. Birqatar saraptamalar taǵaıyndalyp, sonyń nátıjeleri boıynsha protsessýaldyq sheshim qabyldanady.


Joǵary qaraı