Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jyl basynan beri 40-qa jýyq kólik órtendi

2021 jyldyń 23 aqpan 2021 15:32

ÓSKEMEN. QazAqparat – Shyǵys Qazaqstan oblysynda osy jyldyń basynan beri 40-qa jýyq kólik órtengen, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirde bir kún ishinde eki kólik órtendi. Alǵashqy oqıǵa Rıdder qalasynda tirkelgen.

«1998 jylǵy «Lexus RX 300» avtokóligin jalyn sharpydy. Oqıǵa ornyna kelip jetken órt sóndirýshiler jalpy aýmaǵy 2,5 sharshy metrge jetken tilsiz jaýdy aýyzdyqtaǵan. Aldyn ala málimet boıynsha órttiń shyǵý sebebi – qaýiptiligi joǵary agregatpen abaısyz jumys atqarýdan nemese qasaqana órteýden bolýy múmkin», - delingen habarlamada.

Sondaı-aq Semeıde jeke turǵyn úı aýlasynda turǵan 1997 jylǵy «Subaru Legacy» avtokóligi otqa orandy. Jalpy aýmaǵy 6 sharshy metrdi quraǵan jalyn kóliktiń qozǵaltqysh bóligine, salonǵa jáne aldyńǵy dóńgelekterge jaıylǵan. Órttiń shyǵýyna qaýiptiligi joǵary agregatpen abaısyz jumys atqarý sebep boldy.

TJD dereginde, jyl basynan beri óńirde 38 kólik órtengen.


Joǵary qaraı