Aýa raıy
Astana 11 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

ShQO-daǵy kásiporynda PTR zerthana ashyldy

2020 jyldyń 6 tamyz 2020 16:03

ÓSKEMEN. QazAqparat – Shyǵys Qazaqstan oblysyndaǵy KAZ Minerals toby eldegi ónerkásiptik kompanııalar arasynda birinshi bolyp polımerazdy tizbekti reaktsııa (PTR) ádisimen jumys isteıtin zerthanany iske qosty, dep habarlaıdy QazAqparat tilshisi.

Aqtoǵaı ken ornyndaǵy bul zerthanada kompanııa men merdiger uıymdardyń qyzmetkerleri testileýden ótedi. Jeke zerthana synamalardyń nátıjelerin alý protsesin jedeldetýge, sondaı-aq, kompanııa jumysshylaryna buryn klınıkalyq-dıagnostıkalyq qyzmetter kórsetken ózge zerthanalarǵa júktemeni azaıtýǵa múmkindik berip otyr.

«Aqtoǵaıdaǵy jumysshylar sany eger ekinshi ken baıytý fabrıkasynyń qurylysyndaǵy qyzmetkerlerdi esepke alsaq, 4,5 myń adamǵa jetedi. Qajet bolǵan jaǵdaıda zerthana kompanııanyń Qazaqstandaǵy barlyq kásiporyndarynan kelgen bıomaterıaldardy óńdeıdi dep josparlanǵan. Bul modýldik zerthana elimizde jasalǵan. Quny - shamamen 150 mln teńge. Qosymsha 20 000 test-jıyntyq satyp alyndy», - deıdi KAZ Minerals toby korporatıvtik baılanystar departamentiniń menedjeri Ermek Dúzkenev.





Onyń aıtýynsha, zerthananyń qýaty táýligine 552 synamany óńdeýge múmkindik beredi. Bir tsıkl 4-24 saǵat arasynda óńdeledi. Sonymen qatar munda basqa da klınıkalyq jáne dıagnostıkalyq zertteýler júrgizýge bolady.

Aıta keteıik, KAZ Minerals ShQO Densaýlyq saqtaý uıymdaryna medıtsınalyq jabdyqtar men jeke qorǵanys quraldaryn satyp alýǵa da járdemdesýde. Demeýshilik kómek aıasynda Shemonaıha aýdandyq aýrýhanasyna ottegi stantsııasyn satyp alýǵa 12,5 mln teńge jáne Glýbokoe aýdanynyń aýrýhanasyna JQQ jıyntyqtaryn (bir rettik kostıýmder, maskalar, qolǵaptar) jáne dezınfektsııalaý quraldaryn alýǵa 4,3 mln teńge bólindi.





Joǵary qaraı